Вторник, 27.02.2024

Мәжіліс спикері жұмыс сапарымен Ұлытау облысына барды

Мәжіліс төрағасы Ерлан Қошанов бастаған депутаттар тобы жұмыс сапарымен Ұлытау облысына барды.
Депутаттар облыс активі – Ардагерлер кеңесінің мүшелерімен, облыстық мәслихат депутаттарымен және жұртшылықпен өңірдің даму барысын талқылады.

Облыс әкімі Берік Әбдіғалиұлы аймақты дамытудағы басым бағыттарға тоқталды. Облыс орталығының инфрақұрылымын жаңғырту және кеңейту, Жезқазған қаласының жаңа бас жоспарын қабылдау, Сәтбаев қаласын қоса отырып, екінші Жылу электр орталығының салынуын қарастыру мәселелері – бірінші кезекте тұр. Сондай-ақ екі жылдың ішінде 3600 орындық 6 жайлы мектеп салынып, перинаталдық орталық, спорт нысандары және жаңа тұрғын үй құрылысы жоспарланған.

Ерлан Қошанов Мемлекет басшысының бастамасымен Ұлытау облысының құрылуы бүкіл ел үшін маңызды оқиға екенін атап өтті. Сондықтан Президент, Парламент, Үкімет жаңа өңірдің дамуына ерекше көңіл бөледі.

«Ұлытау облысы – өз алдына отау тіккен дербес, экономикалық, әлеуметтік, мәдени даму әлеуеті зор өңір. Облысқа тартылған инвестиция көлемі өткен жылмен салыстырғанда 45 млрд теңгеге артып, 171 млрд теңгеден асты. 67 мың шаршы метр баспана пайдалануға берілді. Бұл өңірдің жақсы даму динамикасын көрсетеді», деді Мәжіліс төрағасы.

Сондай-ақ сапар барысында Жезқазған байыту комбинаты, ЖЭО және Сәтбаев қаласындағы «Анненская» кенішінің жұмысшыларымен кездесулер жоспарланған.

О Редактор Шарайна

Проверьте Также

Ұлытау облысының Жезқазған, Сәтбаев, Қаражал қалаларында, Жәйрем кентінде, Жаңаарқа және Ұлытау аудандарында «Қазэнергоцентр» жауапкершілігі шектеулі серіктестігінің шекті бағаның алдағы көтерілуі бойынша жария тыңдаулар өтеді

Қазақстан Республикасы Ұлттық экономика министрлігі Табиғи монополияларды реттеу комитетінің Ұлытау облысы бойынша департаменті Жезқазған қаласы, …

Добавить комментарий

Ваш адрес email не будет опубликован. Обязательные поля помечены *