Воскресенье, 16.06.2024

Кәсіпкерлердің өтініштері қаралды

Ұлытау облысы әкімдігінің кәсіпкерлер құқығын қорғау және сыбайлас жемқорлыққа қарсы іс-қимыл жөніндегі ағымдағы жылдың 30 мамырында өткен кеңесінде кәсіпкерлердің өтініші бойынша облыстың гидротехникалық құрылыс жүйесін қалпына келтіру мәселесі қаралды,-деген Кеңес төрағасы Ерболат Бөрібаев жиналысты ашты.
Директордың бизнес құқығын қорғау жөніндегі орынбасары Ғалымжан Сүтбаевтың айтуынша, Мемлекет басшысы Қасым-Жомарт Тоқаев Қазақстан халқына Жолдауында агроөнеркәсіптік кешеннің әлеуетін дамыту міндеттерін қойды. Атап айтқанда, 2030 жылға қарай ауыл шаруашылығы мен балық шаруашылығы өнімінің көлемін 4,5 есеге арттыруға мүмкіндік беретін суармалы жер көлемін кезең-кезеңімен арттыру тапсырылды.
Ұлытау облысының аумағында барлығы 42 гидротехникалық құрылыс бар, 3-і республикалық меншікте; коммуналдық меншікте – 20; жеке меншікте – 3. Оның ішінде: жөндеуді қажет ететін гидротехникалық құрылыстар саны – 16. Гидротехникалық құрылыстардағы апаттар орасан зор материалдық шығынмен және жағымсыз әлеуметтік және саяси резонанспен ауыр зардаптарға әкелуі мүмкін. Су тасқыны мен көп жылдар бойы олардың пайдаланылуына байланысты кейбірі жарамсыз күйге түскен.
Сонымен Ұлытау ауданына қарасты Құмшық бөгеті ешбір мекеменің балансында болмай, көптен жөндеу көрмегендіктен биылғы жылдың көктемінде жарылып кеткен.
Соның салдарынан бөгеттегі судың негізгі бөлігі жоғалған. Соның салдарынан «Бұланды Ақбөкен» ЖШС-нің балық шаруашылығы шығынға ұшырап, судың негізгі көлемі мен су қоймасында мекендейтін балықтар, дәлірек айтсақ, 8000 тұқы балығы жоғалды. «Бұланды Ақбөкен» ЖШС-нің директоры су тасқыны салдарынан келтірілген шығынды өтеу жөнінде бөгет Ұлытау ауданы әкімдігінің балансында болғандықтан, оны қалпына келтіруге көмек көрсету туралы жергілікті атқарушы органдарға арыз-шағымдар түсірді. Кәсіпкердің өтінішіне әкімдіктен төтенше жағдай жарияланбаған ұйымдарға табиғи зілзала салдарынан келтірілген шығынды өтеу қарастырылмаған деп жауап берілді.
Сонымен қатар, әкімдіктің мәліметінше, Құмшық бөгеті әкімдіктің балансында жоқ, сондықтан оны қалпына келтіруге қаражат бөлу мүмкін емес. Бөгетті пайдалану мәселесі қарастырылуда. Бұл мәселені шешу үшін барлық жауапты органдарға ұсыныстар берілді.

                      

О Редактор Шарайна

Проверьте Также

Ұлытау облысы бойынша Ішкі мемлекеттік аудит департаменті камералдық бақылау бөлімінің 2024 жылғы 1 тоқсандағы қызметінің қорытындылары

«Мемлекеттік аудит және қаржылық бақылау туралы» ҚР Заңымен қарастырылған функцияларын орындау аясында, Ұлытау облысы бойынша …

Добавить комментарий

Ваш адрес email не будет опубликован. Обязательные поля помечены *