Статьи по теме
Түркияның Мәдениет және туризм министрлігінің хабарлауынша, Түркиядағы миллионнан астам қонақүй төсектері тұрақты туризм стандарттарына сәйкес тексеріліп, сертификаттарын алды.
Түркияның Ұлттық тұрақты туризм бағдарламасы шеңберінде 1 044 189 төсектік 7 500-ден астам қонақүй тұрақты туризм талаптарына сәйкес сертификациядан өтті. Жаһандық тұрақты туризм кеңесімен серіктестесе отырып дайындалған бағдарлама бойынша Түркия үкіметтік деңгейде келісімге қол қойған әлемдегі алғашқы ел саналады.
Лондондағы Дүниежүзілік туристік нарық конференциясының алғашқы күнінде Түркияның Мәдениет және туризм министрі Мехмет Нури Ерсой мырза: «2023 жылдың қаңтар-қыркүйек айлары аралығында Түркияға келген туристер саны 12 пайыздан астам көрсеткішке артып, 45 миллион 230 069 адамға жетті. Ұлыбритания – біздің негізгі мақсатты нарықтарымыздың бірі. Биыл 29 қазаны мен 2 қарашасы аралығында Бодрумда жыл сайынғы ABTA туристік конференциясының ұйымдастырылуы осыны дәлелдейді. 2023 жылдың қаңтар-қыркүйек айлары аралығында Түркияға 3 157 421 британдық турист келді, бұл 2022 жылдың сәйкес кезеңімен салыстырғанда 12 пайызға артық. Біз туризм индустриясын дамытуға көп көңіл бөлсек те, болашақ ұрпақ үшін еліміздің ресурстарын сақтауға мүдделіміз. Осы орайда, WTM-де жергілікті өнеркәсіп өкілдерімен біріге отырып, бірегей туристік бағыттар мен өнімдерімізді ұсынамыз. Сонымен қатарТұрақты туризм жөніндегі Ұлттық бағдарламамыздың алға қойған мақсаттарына жету жолында жылдам әрі тиімді ілгерілеушілік бар. 2023 жылдың алғашқы тоғыз айында Түркияға 45 миллионнан астам адам келген. Маңызды туристік аймақтарындағы миллионнан астам қонақүй төсектері тұрақты түрде расталған және сертификатталған. Түркияға шетелдік қонақтардың едәуір бөлігінің осы қонақүйлерде демалатынын көруге қуаныштымыз», – деді.
Түркия тұрақты туризмге «міндетті» көзқарасты ұстанатын әлемдегі санаулы елдердің бірі саналады. Төрт негізгі туристік аймақтағы Ұлттық тұрақты туризм бағдарламасының орындалу барысында Антальяда – 1144, Стамбұлда – 966, Муглада – 639 және Измирде 488 нысадары тексеріліп, сертификатталды.
