Статьи по теме
Қаламызда мектепке дейінгі білім беру сапасын арттыру бағытында маңызды қадам жасалып, көптен күткен 320 орындық жаңа балабақша ашылды.
Бөбекжай заманауи стандарттарға сай жабдықталған және балалардың қауіпсіз әрі қолайлы ортада тәрбиеленуіне мүмкіндік береді.
Ашылу салтанатына Ұлытау облысының әкімі Дастан Рыспеков, облыстық мәслихаттың төрағасы Бауыржан Шыңғысов, ҚР Сыбайлас жемқорлыққа қарсы іс-қимыл агенттігінің Ұлытау облысы бойынша департаментінің басшысы Ерлан Жолдыбаев, қала әкімі Мұрат Бөрібаев және ұстаздар мен ата-аналар қатысты.
Өңір басшысы атқарылып жатқан игі жұмыстарды ұлы академиктің 125 жылдығында орын алған сәтті қадамдардың бірі екенін атап өтті.
Сонымен қатар, Оқушылар сарайының ашылу салтанаты өтті. Балалар мен жасөспірімдердің шығармашылық қабілеттерін дамытуға арналған орталықта қазірдің өзінде 1000-нан астам оқушы үйірмеге жазылған. Бұл сарай балалардың ғылым, өнер, спорт және заманауи технологияларды меңгеруіне жол ашатын жаңа мүмкіндіктерді ұсынады.
Салтанатты рәсімнен кейін Ұлытау облысының әкімі Сәтбаев қаласында «Қазақмыс» корпорациясымен меморандум аясында күрделі жөндеуден өткен «Ақбота» балабақшасының жұмыс барысын қадағалады. Бөбекжай 60 жылға жуық уақыттан кейін тұңғыш рет толықтай жаңартылды.
